martes, 30 de diciembre de 2014

30 de decembro do 2014. Un ano dá prá moito (musicalmente falando)




















Fotos tiradas ó longo do ano. Debería por un pé de foto ó lado de cada unha e tal, pero deume tanto curro subilas que xa estou aborrecido. Boeno, pois nos vemos. Feliz ano e tal. Coidadevos.

Boeno, a ver. O primeiro que sae é Xacobe Martínez Antelo, tocando con Sumrrá no Imaxinasons de Vigo; despois o batería Carlos López tocando no Xancarajazz; seguen Manolo Gutiérrez e Xacobe Martínez Antelo, Sumrrá no Ensalle de Vigo; Javier Marcos na Taberna o Rincón, en Cangas; L.A.R. Legido, Sumrrá, Ensalle; GDJazz, tocando prá Marcos Pin E Factor no Festival de Jazz de Pontevedra; Sés, na Praza da Constitución, en Vigo; o cantante de Cró!, na Taberna O Rincón; Eva, de Linda Guilala, en Santiago; unha dos membros de Why Go,  no Rincón; Richard Bona, Festival de Jazz de Pontevedra; Carmen Rosende, tocando en La Galería Jazz Bar, en Vigo; o saxofonista Vincet Macián, no Rincón; Iago Fernández, José Manuel Díaz, L.A.R. Legido, unha balea de plástico, no Rincón; Robin Mackelles, no Festival de Jazz de Pontevedra; Carme Gallego, tocando prós Cempés, en Vilariño; Virxilio da Silva, Xan Campos, no Rincón; e Eric Bibb no Fesitval de Jazz de Pontevedra. Uf.

miércoles, 24 de diciembre de 2014

24 de decembro de 2014. Bó Nadal.

Bó Nadal.
Outro Nadal.
A riqueza ofende mais, a miseria doe mais.
Luces de cores que pretenden facernos iñorar a escuridade.
Música estridente polas rúas que non ocultan o gran silenzo.
A estupidez ofende mais, as ausencias doen mais.
Outro Nadal.
Bó Nadal.
E pretender que as ilusións, a amizade, a familia, se poden mercar no Corte Inglés.
Bolsas de felicidade que se converten en bolsas de lixo.
Fagamos como que non vemos os que se tambalean pola acera, os vencidos, os esquecidos.
Os que non van poder có frío.
Críos ávidos. Comerciantes covizosos. Mozos borrachos. Alegría en lata.
Felicidade por decreto.
E non sei qué historia dun neno.
Bó Nadal.

Outro.